الجمعة، 28 نوفمبر 2014


إلى سيدي أبا عبد الله الحسين u

إلـــك آيـــات تــتــوالـــه ورايات

ضرير إبـأسمك استبصر ورايات

مآتـــم إلـك مـنـصـوبـــه ورايات

علت فوگ السمه وفوگ الوطيه

الأحد، 12 أكتوبر 2014

                                        (ما أعوفن علي )
عـن حـيـدر علي صـدگ ابد ما ميــل
                                                          لــو سـيـفـك بـنـحري ورايـد اتـحــزه
ما أعـوف الـولايـه واتـبـع اهـل المال 
                                                          ثق فوگ الـگلب اسم الوصي مطرزه
دور غيري يـمـكن تلـگه غير انـســان
                                                          يـمــكـن تــگــر بـچلمــاتـــك اتـــوزه
واصحه لدنـيـتـك بـالـك تـظـل نعسان
                                                          لان نــايــم ضـمـــيــرك لازم اتـهـزه
وميـز يـاهـو ربـعـك يـاهـو الـيعـاديك 
                                                          مــا بــيـــن الـعدل والبــاطل اتـميـزه
خل عقلك چـبـيــر استوعب الأحداث
                                                         لا تــتـبـع نـفـوس بـحـقـــد منــغــرزه
واقفل باب فـكـرك عـن الـيـحـرفــوك 
                                                         إذا ضــاع الـقــفــل مـا تــنــفـع الرزه
واحـشـمـنـك واگلك گوم صير أوياي
                                                         إذا مـا تـفــزع الـمـن حـيـلـك اتحرزه
هــذا آخـــر كلامي اويـاك واتحــداك
                                                         لـو جــيــش الطـغات اتـعـده واتجهزه
مـا أعوفـن علي لحد گطعة الانـفـاس
                                                         مـو حــبـي لـعـلي حـب طايـش ومزه
لان حب الوصي ما ينشره ويـنـبـــاع 
                                                         مـن أرواحــنــه أكــثـر صـدگ انعزه

الخميس، 2 أكتوبر 2014

بحق سفير الحسين مسلم بن عقيل (u)

مسلم تعنه ولبس لـجـل الـحرب لامته
شاهر السيف وعلـن يبقـه الظلم لامته
لكن عله موفـقــة بعض العـرب لامته
ما مهتم وبالنـفـس زارع العز والـثـقـه
والظلم من عاينــه بحـبـل العدل وثـقـه
بالكوفه اخذ موقـفــه بدم الـنحر وثـقـه
اتـخـلد وثـورتــه شــاهـــد بـقــة لأُمته

انشاء الله تنال اعجابكم ولكم التعليق .............

الخميس، 25 سبتمبر 2014

                             گاعك بور
گـاعك بور صارت وانته ماحسيت                 يمته تـگـوم تـگسي وتـنـثــر بـگـاعك
تعداك الوراك ويحــصد المحصول                 وانتـــه اشـحصـلت مـن زمرة اتباعك 
مثل الـگـصب طبعك لا تــكــسره                 الريح ظل مثل النخل معروفه اطباعك
ولا تحني الظهر شد للشتال احـزام                  واعــگــب كـل صديق العافـك وباعك

                                                                                              


العراق آنه أنسه جرحة منسه لاله


كـريـم إيــفـيـض خـيـره من سلاله


أصيـــل ويــرد أصـلـه مـن سُلاله


تـعــرفـهــا الـعـرب والأعـجـمـيـه